花灑洗面

通常沖涼指定動作，就係開「行」個花灑，對住自己塊面狂沖水，務求洗走面上臭汗，舒服到大叫「爽呀！」但你有所不知，當你不斷用花灑射向你塊面嘅時候，你嘅毛孔已經被花灑嘅高水壓而被撐大，之後用多多收細毛孔產品都救唔番呀！

水溫過高

唔知點解，就算出面幾咁熱，大家都係鐘意沖熱水涼，可能鐘意嗰種暖笠笠感覺呱！但就要謹記水溫唔好超過４０度，因為太高嘅話會破壞肌膚表層嘅皮脂膜，令到沖涼後肌膚得唔到水潤感覺之餘，會變得更加乾燥。

誤選沐浴產品

按道理，夏天沖涼時想要有fresh感覺，梗係選擇有清涼感覺、薄荷味道、海洋氣息嘅沐浴產品啦，咁先至fresh嘛！但大家有所不知，令你感覺到freah及清爽嘅同時，就代表肌膚唔夠滋潤，致令容易痕癢，而且沖嘅次數太多，都會令肌膚失去水份，切記呀！