Elon Musk旗下嘅The Boring Company又有新搞作，今次打算喺拉斯維加斯地底興建一個隧道系統「Vegas Loop System」，連接市內多間賭場，等大家可以暢通無阻大殺四方。計劃已獲當地政府全票通過，只要搞埋啲手續就可以正式開工。

Expanding and moving forward with plans for the "Vegas Loop." #ClarkCounty Commissioners just approved an agreement with the @boringcompany to establish and maintain a transportation system that will go under the Las Vegas Strip. It will also go to @AllegiantStadm and @UNLV. pic.twitter.com/2ju3xcFq7O

— Clark County Nevada (@ClarkCountyNV) October 20, 2021

今次呢個隧道系統規模，遠大於之前所興建嘅「Las Vegas Convention Center Loop（LVCC）」，全長47公里，總共有51個站，連接市內多間賭場、Allegiant Stadium運動場以及University of Nevada。根據Boring Company總裁Steve Davis說法，佢哋將會分階段興建並且起完即刻使用，預計動工後首6個月就會起好5-10個站，之後每年會以興建15-20個站為目標，總工程時長為3年，並強調Vegas Loop會為當地帶嚟極大效益，每小時可以運送57,000名乘客。

之但係呢，當初Elon Musk都話過另一個隧道系統「LVCC」，能夠每小時運送4,400人，結果開通後遠遠唔達標，每小時只運到1,200人。