{ SKIP }
文:MenClub 魏文青  
POSTED ON 30 Jun 2017
今日注定係一個普天同慶嘅日子,不過同咩七咩一咩二十週年完全無關,而係同日本AV界有關!因為陪伴大家多年、有「奇跡のAV女優」之稱嘅麻倉憂BB喺將近4個月嘅預告之下,終於再現身於AV發片名單之上!換言之,麻倉憂BB正式復活啦!


麻倉憂於09年以素人身份出道,喺作品大受歡迎之下成為少數「單體轉專屬」嘅例子。之後幾年經歷過大量發片、引退、下馬、復出,最後於上年8月宣佈再一次離開AV界。接住落黎佢渡過咗半年嘅休息期,台灣AV達人「劍大」更加問過經理人,得知佢享受引退生活中。但由今年3月佢就重新活躍於Twitter、4月頭宣佈重新出席見面會、4月尾自爆「拍攝中」,而作品近日就正式出現喺「Wanz Factory」嘅發片名單中,仲有宣傳圖公開!睇黎麻倉憂BB真係歸位啦!


咁今次返黎又同上次有咩唔同?「J齡」有返咁上下嘅都知麻倉憂BB有返咁上下年資,年紀亦都唔再係十八廿二,但引退前佢一直都係以美少女嘅形象演出。尤其係第一次復出之後加盟「Wanz Factory」,作品雖然多有「中出」,但其實尺度同驚喜都稍為欠奉,睇落就似係例行公事。但今次復出作扮演嘅係之前少見嘅人妻,劇情仲係講佢參加咗換妻俱樂部再被「女女女」呢啲唔係老本行嘅演技。可見片商同麻倉憂BB都有意改變一下演出形象同風格!


另外或者係見到其他同行出外搵真銀、儲人氣,劍大指麻倉憂亦多次主動提出要去海外參加見面會、成人展。如果大家有興趣,話唔定下一次見面會主角就係佢啦!


日本雜誌會為女星冠軍啲奇怪花名並唔出奇,而一般黎講絕大部份花名都係根據女星嘅特徵而起,吸睛之餘亦增強讀者嘅記憶點。不過今晚要介紹呢位「桜木心菜」,就有一個我睇唔明嘅花名「露出肚子的美人魚」(ヘソ出しマ ...
girls
【深夜】令人摸不著頭腦的稱號 露肚美人魚「桜木心菜」
03 Oct 2025
講起大家細個睇嘅兒童節目,大家最有印象嘅大概都係主間播嘅卡通,然後就係譚玉瑛姐姐,再唔係就係蓋世寶甚至係「認字特警」,好少有人會記得啲大人主持隔離其實仲有一班童星主持,而你更唔會知嘅就係佢哋長大之後究 ...
girls
【深夜】23歲13年經驗 兒童節目小主持「渡辺優奈」
29 Sep 2025