{ SKIP }
文:MenClub 魏文青  
POSTED ON 25 Aug 2016

請留意,我唔係寫「麻倉憂引退?」

冇問號,係指當中冇任何懸念。呢位經歷大量發片、引退、下馬、復出、再引退,伴隨我哋接近7年嘅女優,確認再一次離開AV界。

又一個,唉。



根據劍大「一劍浣春秋」今日下午嘅報導,麻倉憂嘅事務所「Sunpro」明確指出麻倉憂BB已經正式引退。其實有留意開麻倉憂BB就知道,佢喺幾個月前就已經冇新片發出,而且Blog無更新、Twitter冇玩,亦冇舉行過任何見面會,所以只要一唔拍新作,麻倉憂BB幾乎係無影無蹤。六月尾嘅時候劍大仲曾經聯絡過「Sunpro」,當時對方畀嘅答案係「人還在,但在休息」。估唔到兩個月唔夠就已經確定引退。


其實,唔好講我哋,連「Sunpro」同麻倉憂BB嘅片商「WANZ Factory」可能都冇估到麻倉憂會引退。因為麻倉憂BB與事務所嘅聯絡一向都非常疏落,每個月事務所只係用電話或者Email通知佢拍攝時間、地點同大致內容,連佢到時係咪真係會到都唔肯定。結果因為唔知咩原因,佢就同事務所講想休息,最後正式唔玩。中間連拍一部所謂「引退作」嘅時間都冇。


麻倉憂由09年出道,一開始係以素人嘅身份拍片,當年只係得20歲嘅佢憑住非常出眾嘅外表,立刻就成為AV界嘅新星,後來就進入老牌片商K.M.P成為專屬女優,2011年仲拎埋「成人廣播獎」嘅女優賞,當年乃係AV界首席美少女,相信亦係唔少香港男仔嘅夢中情人。不過去到2013年3月佢就突然宣佈引退,當時好多男士(包括我)都非常震驚。


更加震驚嘅係同年暑假佢就突然下馬,拍咗好幾套無碼片,一個美少女AV女優連格仔都冇埋,裏裏外外比你睇哂,當然又引起一股熱潮。唔知係咪發覺自己仲有市場,於是麻倉憂引退大半年之後,同年11月又再復出。2014年頭於K.M.P卒業,同年6月加盟「WANZ Factory」成為專屬,一直發片至今。


復出之後,麻倉憂嘅身形有少少走樣,作品風格亦有些微改變。最明顯嘅係幾乎每一部作品都係「中出」收場,對比起之前以清純美少女為賣點嘅作品可謂一大突破。但唔知係我心理作用定咩,感覺上麻倉憂復出後嘅演出亦冇咗之前嘅熱情,有時真係會令人無法代入其中。或者當時嘅佢已經將AV當成係兼職,純粹搵錢至上。


至於麻倉憂有冇機會復出?劍大話事務所方面冇講到一定唔會,但再復出對麻倉憂,甚至對影迷黎講又算唔算係好事呢?我都唔知,唯有寄望不論佢復出與否,最緊要都係過得開開心心。

日本雜誌會為女星冠軍啲奇怪花名並唔出奇,而一般黎講絕大部份花名都係根據女星嘅特徵而起,吸睛之餘亦增強讀者嘅記憶點。不過今晚要介紹呢位「桜木心菜」,就有一個我睇唔明嘅花名「露出肚子的美人魚」(ヘソ出しマ ...
girls
【深夜】令人摸不著頭腦的稱號 露肚美人魚「桜木心菜」
03 Oct 2025
講起大家細個睇嘅兒童節目,大家最有印象嘅大概都係主間播嘅卡通,然後就係譚玉瑛姐姐,再唔係就係蓋世寶甚至係「認字特警」,好少有人會記得啲大人主持隔離其實仲有一班童星主持,而你更唔會知嘅就係佢哋長大之後究 ...
girls
【深夜】23歲13年經驗 兒童節目小主持「渡辺優奈」
29 Sep 2025