呢個世界咩人對女人係最刻薄？答案就係其他女人。好簡單，一個男人喺正常情況下知道另一個女仔靠出賣自己身體為生，大不了就個笑容尷尬些少，再喺Whatsapp到同班兄弟當趣聞咁講下笑下，但日本一個性感Coser卻喺Twitter對「AV女優」整個職業開炮，甚至話兔仔啲屎都乾淨過佢哋！

「しろ砂糖」係一名日本Coser，雖然佢外貌唔錯，Cosplay嘅質素同性感程度都唔差，但一直唔算係非常出名。直到佢早前連環地出咗幾個針對AV女優嘅Twitter貼文，瞬間就引起日本網絡哄動。卻說佢先喺Twtter指AV女優係日本性犯罪率高企嘅原因，因為會令人對女性嘅形象產生錯誤，所以佢想消滅整個AV業界（但風俗係OK的）。

以上言論大家雖然未必認同，但如果佢只係表達佢嘅睇法，其他人實在又冇咩好講。但佢之後再出文，話自己曾經同一個從事AV及風俗嘅女仔食飯，個女仔筷子掂過嘅餸佢唔想夾、個女仔想試下飲佢杯嘢佢情願成杯畀咗佢，因為佢覺得AV女優放過「幾千根小弟弟」入口，覺得佢哋好污糟，仲拎馬桶黎同AV女優比。

未完！之後佢仲補充，比起AV女優嘅口水，佢覺得自己養啲兔仔嘅屎都仲乾淨，更加能放入口！

如此強烈嘅攻擊當然就引起網民評論，尤其網民們發現「しろ砂糖」本身都不乏性感Cosplay照，質疑佢同樣都係賣弄性感，滿足男性嘅審美觀，竟然夠膽企喺道德高地批評AV女優，仲貼返佢啲相出黎反問「女人公敵？」。最後「しろ砂糖」刪掉以上所有貼文，並指自己「深刻體會到御宅族有幾恐怖。」

雖然呢件事只算係日本網絡八卦，但某程度上亦反映出某部份大眾對AV女優嘅異樣目光，亦反映到女仔睇女仔可以有幾咁Mean。