自從有咗Netflix，情侶之間就多咗個活動叫「煲劇」，而呢排Work From Home又唔出街，大家一定已經陪女朋友睇哂咩韓劇《愛的逼降》、《梨泰院Class》，應該都好奄悶啦何？唔緊要，你只要鼓勵女朋友去睇新嘅韓劇《夫婦的世界》就唔悶架啦，因為入面有個靚女「韓素希」！

現年25歲嘅韓素希曾經多次飾演韓劇中嘅女配角，有人話佢似宋慧喬、申世景，甚至號稱韓國第一美人嘅Red Velvet成員Irene，但講真佢又真係唔算紅，佢自己亦直言之前就算搭地鐵都冇人認得佢。直到於《夫》一劇中飾演男主角婚外情對象「呂多景」，對住正印嘲笑「女人年紀到身材就會走樣」，「我們一個星期會做兩三次愛」，再加上靚得黎有幾分姣嘅外表，先真係為人所認識！咁你話啦，女朋友煲劇你睇女，大家都睇得開心，咪Win Win雙贏囉！