現年49歲的酒井法子自從2009年與前夫高相祐一因涉毒被捕後一直沉寂，直到近年積極打入大中華市場開拓客群先見起色，而其主要收入就來自各種晚宴表演，Fans付費參加嘅生日派對，以及年尾嘅公司晚會等。但近日又再有消息指佢撈唔掂，而考慮緊收1億日元接拍全裸寫真。

酒井法子近照

據報因為疫情影響，全球各地都冇法舉行大型宴會，本來打算舉行嘅亞洲巡迴演唱會取消、預計中嘅年尾晚宴亦基本上無法成事，令酒井法子收入大減。而有中國富商就睇準呢個會，投資日本出版商，向酒井法子出價1億Yen (約HK$740萬) 利誘佢拍全裸寫真，據報酒井法子並無第一時間拒絕。

年輕時嘅酒井法子水著

另一位日本女星，今年61歲嘅宮崎美子較早前亦推出2021年水著月曆，結果賣得仲好過《鬼滅之刃》嘅週邊，似乎只要夠話題，女星嘅年齡就唔係問題。但大家亦要留意，幾乎任何日本女星，只要事業發展不如理想，都曾傳出有人出高價叫佢出全裸寫真、拍AV等。是真是假就真係到時先知啦。