日本寫真界競爭激烈，除非你身材勁到出類拔萃、又或者個樣靚到天仙下凡，否則要令大家記住你，就一定會諗方法突圍而出。而現年21歲嘅現役大學生「林田百加」就為自己設定咗一個令人難以忽視嘅稱號：「令和高釵公主 (令和のハイレグプリンセス)」，睇完佢啲相就算你唔記得佢個樣，你都一定記得佢個跨下！

林田百加之前就讀「某名門大學附屬高中」，後來順理成章入讀該名門大學，但由大學一年級起佢就矢志要加入演藝界，於是入讀日本嘅藝能學校，遇到目前嘅經理人公司後更活躍於各大水著攝影會，2020年8月推出個人首張水著寫真DVD，憑當中嘅高釵泳裝被Fans們稱為「高釵公主」，後來就以此為個人賣點，無論係寫真DVD，又或為雜誌影嘅水著寫真，都可以見到佢穿上只遮跨下一條線嘅泳裝上陣。

叫得做「高釵公主」，大家可能都會集中於佢寫真中嘅泳裝有幾高釵、遮到 (或遮唔到) 咩部位，事實上佢嘅寫真亦不停展現自己跨下嘅部份，但其實林田百加身高有162cm，本身就已經有對大長腿，三圍32-23-35雖然唔算非常豐滿，但依然非常養眼，再加上佢極為清純嘅表情樣貌，本身就已經具備走紅嘅條件，「高釵泳裝」相信只係噱頭——當然，作為一個誠實嘅男人，我係絕對唔會介意佢繼續高釵上陣，甚至條線再幼啲我都頂得住架！

圖片：moka_hayashida on Twitter