香港呢排嘅天氣都係陰陰濕濕，就算放假都唔太想出街，不禁令人開始懷念起「陽光與海灘、比堅尼美女冇咩點著衫」嘅美好日子。正正就係呢個時候，我見到村島未悠為《週刊Young Jump》拍攝寫真時嘅呢條幕後花絮影片，睇住佢著住件泳衣仔係個沙灘上面又跑又跳又揈又盛，個心情即刻就好返哂呀！

在 Instagram 查看這則貼文

ヤングジャンプ@グラビア（@gr_youngjump_official）分享的貼文

雖然大家對於「村島未悠」呢個名未必好熟，但其實我哋去年都曾經介紹過當時仲係叫「MIYU」嘅佢。村島未悠於2016年加入日本韓系女團「CHERRSEE」，並以「MIYU」之名作為團內最年輕成員而出道；2017年首次於《週刊Playboy》水著出道，憑堪稱「偉大」嘅上圍闖出名氣，隨後就以水著偶像身份活躍於日本演藝界。去到2020年團體解散、2021年簽新公司後就改以本名「村島未悠」活動。

而日前佢自己個IG、以及《週刊Young Jump》個IG都公開咗村島未悠為雜誌拍攝首次單人封面寫真嘅花絮，除咗上面條「大奔走」嘅片之外，仲有一系列美感寫真！睇完之後我最大嘅感想就係：日本嘢真係又白又滑呀……我講緊啲沙。

圖片：gr_youngjump_official on IG、happy_miyu0827 on IG