{ SKIP }
文:MenClub 魏文青  
POSTED ON 05 Sep 2022

日本嘅偶象組合多與恆河沙數,為咗突圍而出,唔少偶像組合都會搵個特別嘅定位。例如由PIXIV營運嘅「虹のコンキスタドール (彩虹征服者)」,賣點就係所有團員既係偶像,同時又係創作者。而且你唔好以為佢只係噱頭,成員之一嘅「岡田彩夢」就唔單止樣靚身材正,仲已經連續兩年開個人畫展啦!

岡田彩夢現年22歲,15歲時加入「彩虹征服者」做練習生,2017年升格為正式團員。據佢於一個近期訪問中透露,喺成為偶像之前,其實佢有段「2次元宅宅時代」。當時嘅佢非常鍾意畫畫,並且沉迷於一種叫「一小時速畫 (ワンドロ)」嘅文化,亦即係於一個鐘內完成構思到作畫嘅整個過程,嗰陣時每日都會訓練兩次,結果練出一手又靚又快嘅畫功。佢為《週刊Playboy》拍攝寫真時,更曾即席示範5分鐘畫滿一塊2米高嘅膠版,黎緊亦會連續第二年舉行個人畫展,係真正嘅才藝雙全!

你話藝術嘅嘢你識條鐵?唔緊要,因為岡田彩夢仲有個興趣應該同各位男士非常夾,就係佢好鍾意飲啤酒!黎緊就會大學畢業嘅佢,曾經透露過自己嘅願望之下就係去唔同地方旅行,並試下當地嘅啤酒。咩話?你話你連酒都唔飲?咁呀…咁我諗你對佢嗰副雖然只有148cm高但凹凸有致嘅身材總有啲興趣啦掛?

IG:okada_ayame
日本寫真界人才輩出、競爭激烈,就算偶爾出現所謂嘅「寫真天后」其實都只係稍微佔據主導位置,一家獨大嘅情況可謂聞所未聞。不過呢位「白濱美兎」自從去年出道之後人氣就一直飆升,最近更被稱為有望取得寫真界「天下 ...
girls
【深夜】美少女圖鑑三冠王 有望統一寫真界的「白濱美兎」
11 Jul 2025
由於參加、或者拎到獎就注定會於未來一段時間頻頻登上該雜誌,所以日本各大出版社舉行嘅寫真選美比賽素來寫真新人爭取曝光嘅大好機會,特別係幾大出版社主辦嘅比賽更係兵家必爭之地。但其實就算冇咁出名嘅比賽,都一 ...
girls
【深夜】四代目Miss SPA! 肉感艷麗「吉瀬結」
09 Jul 2025