唔少日本少女都以加入寫真偶像團體為目標，而「AKB系」嘅團體大概就其中最搶手、最易紅嘅。不過亦有人係加入「AKB系」後退出，再出道先至真正紅起來，好似呢位「月足天音」咁就可能係其中之一啦！

1999年出世嘅月足天音，2016年時以17歲之齡加入「AKB48」嘅福岡姊妹團「HKT48」，但加入咗唔夠4年，2022年佢就已經宣佈卒業，其後有一段時間消失於大眾眼前。正當大家以為佢只係又一個演藝圈過客時，今年2月佢又再次以「FRUITS ZIPPER」身份再次出道，仲開設埋個人YouTube，似乎比起當年HKT48年代更努力發展演藝事業。

雖然HKT48時代佢都拍攝過水著寫真，但或者因為年紀大咗，又或者係心態轉變，反正月足天音再出道後，明顯對水著寫真更有興趣，事實亦證明佢嘅性感照更能引起話題。唔知佢未來又會唔會有再進一步嘅突破呢？

IG：am1026_official