今日要為大家介紹呢位「安倍乙」，喺出道初期佢就因為神似日本女神石原聰美，加上身材非常好而被稱為「豐滿版石原聰美」——需知道石原聰美本人嘅身材其實都好好。而我哋上次介紹佢，其實係超過一年之前，喺過去呢一年佢有冇新相畀大家欣賞？我即刻搵畀你哋睇下。

2000年出世，今日就滿23歲嘅安倍乙，最早係於秋元康創立嘅劇團「4ドル50セント (4美金50分)」中出道，出道後冇幾耐就因係個樣好似石原聰美，於是成為各大日本少年雜誌嘅寫真常客，留下唔少非常養眼嘅寫真。不過或者係想專心舞台劇嘅關係，安倍乙近年嘅寫真產量大幅減少，近來最性感嘅就係去年8月出咗本寫真《吐息の温度》。

更重要嘅係，隨住年紀漸長，雖然佢都係靚女一個，但個樣已經冇當年咁似石原聰美，寫真嘅驚艷感亦冇當年咁高。所以，或者，可能，佢好快就會告別寫真，專心演戲。大家有得睇就好快啲睇啦。

IG：abeoto0118