日韓方面都好興用動物黎形容女仔嘅長相，咩兔仔、狗仔、貓仔等通通都有。而今晚要為大家介紹嘅呢位，就係一位擁有貓相嘅日本寫真新人，而且佢連個名都有個貓字，各位貓奴們又會唔會對佢特別有興趣？

呢位「蒼猫いな」，早於2020年起就以「INA」之名參加日本嘅Cosplay攝影會，到去年1月佢就正式改咗依家呢個名——考慮到佢有一對非常顯眼嘅貓眼，本人亦好鍾意貓，所以我合理地懷疑佢呢個名就係為咗彰顯佢嘅個人特色而改——並於去年5月推出首隻寫真DVD，正式加入寫真界。

由於寫真出道前就已經有啲名氣，加上蒼猫いな本身161cm高、35G上圍等外型條件都唔錯，所以一出道就被傳媒睇好。去年《週刊Playboy》選出「2022年夏季 次世代寫真女星」時，佢就被選為「東關脇 (粗略理解就係第三名啦)」，同年7月更入圍著名寫真選美比賽「Miss Flash 2023」嘅半準決賽。而1月推出嘅新寫真DVD，就以露出南半球為賣點。

IG：inacoscos