如果淨係睇個名，大家可能會覺得呢位「仲根なのか」有啲陌生；但如果睇佢啲相，你又可能覺得佢嘅超豐滿身材，以及燦爛笑容有啲熟口熟面。放心，並唔係你睇我哋「深夜系列」睇到對眼壞咗，而係佢曾經用另外一個名於寫真界活躍，喺近年改咗名、修咗身，變得更加吸引咁解啫！

現年22歲嘅「仲根なのか」，早期曾以「愛萌なの」之名於地下偶像界活動，2021年首次為日本青少年雜誌拍攝水著後，憑其「37I」超豐滿身材令人氣大爆發，一年間先後獲得《Young Champion》主辦嘅「Young Champion Best選秀」總冠軍、《週刊Playboy》選出嘅「超次世代水著身材番付西橫綱」稱號，以及《FLASH》選出嘅「令和乳福神」之一；次年再獲《週刊Playboy》編輯部選為「隠し玉新人」之一，同年更於「日本水著皇后比賽」中奪得前十，事業可謂一帆風順。

去年年尾時佢宣佈更換經理人公司，同時改為現名「仲根なのか」。而隨著年紀漸長擺脫baby fat，佢亦由當年嘅肉感身材，蛻變成依家嘅玲瓏浮凸，性感程度大幅提升。目前佢仲參加緊日本產經體育主辦嘅「Sanspo Gogo選舉」，或者能夠再創佳績！

IG：nakane_nanoka