男人都總會覺得「年輕女生」係特別吸引，而「年輕女生」嘅定義大概就係「十八廿二」，同時「十八廿二」又正正係讀大學嘅年齡，所以大學往往係靚女嘅集中地。但你又知唔知日本最靚女個大學生係邊個？好可能就係今晚同大家介紹呢位「井手美希」！

現年22歲嘅「井手美希」，目前係日本國立音樂大學嘅4年級生，所以首先符合「最靚大學生」嘅基本條件，至於靚唔靚呢，相信大家睇完啲相自有公論。反正佢去年參加專為日本女大學而設嘅選美比賽「Miss Circle 2023」，仲成功贏埋總冠軍，係名乎其實嘅「最靚大學生」！同時佢今年亦有參加由《Young Magazine》舉行、日本著名選美比賽「Miss Magazine」，成功打入16強之餘仲贏到「SHOWROOM特別賞」，睇黎前途無可限量！

既然都參加得以寫真為主嘅「Miss Magazine」，「井手美希」亦於日前迎來首次個人雜誌寫真。不停不承認佢嘅超燦爛笑容、清爽短髮、白滑皮膚以至均秤身材都相當符合大家對於「女大學生」嘅期望。即將於來年3月畢業嘅佢，早前接受訪問時話想做主播，換言之未來佢都會繼續於日本演藝界活動，相信會有更多寫真作品同大家見面啦！

IG：mikiiiiiiigram