日本人傑地靈，尤其日本女仔真係唔知食咩食到身材鬼咁好。但與此同時，大多數日本女仔都會因為各種原因而想隱藏，甚至嫌棄自己嘅好身材，琴日介紹過嘅「奥村梨穂」如是，今晚要介紹嘅呢位「豊島心櫻」亦如是。但好在日本有寫真市場，令佢哋將「缺點」化成「優點」！

現年20歲嘅「豊島心櫻」出生於日本新潟縣，細個時曾經參加日本少女時尚雜誌《Seventeen》嘅模特兒選舉並進入最終名單，雖然好可惜最後冇勝出，但就吸引到經理人公司去到佢新潟縣嘅屋企力邀佢加盟。最終佢亦於2018年正式簽約出道，而且出道僅幾年就已經拍過非常多廣告、甚至已經開始出演綜藝節目及戲劇，事業發展相當順利。

而平日打扮非常密實嘅佢，其實一直隱藏住一幅超豐滿身材，加上身高達167cm，單論身材黎講真係冇咩可以挑剔。但佢近日接受訪問時就提到，其實小時候非常嫌棄自己嘅上圍，經常駝背試圖將胸部藏起，買衫時又成日因為胸圍唔啱而必須放棄，甚至自3歲起就冇再著過比堅尼，就連《週刊Playboy》邀請佢拍寫真，佢都一度拒絕。直到佢身邊嘅朋友偶爾見到佢著泳衣並大力讚賞，佢改變主意接拍，甚至話依家有啲後悔冇早啲咁做！但其實唔緊要架！我哋未來大把時間，你繼續拍就得架啦！

IG：cocorotoyoshima_official