Fans們鍾意偶像，鍾意到話想同佢結婚並唔係啲咩好罕見嘅事；但一個偶像因為太多Fans話想同佢結婚，結果以訛傳訛令人以為佢真係結咗婚，咁又係另一個層次喎。而今晚要同大家介紹嘅呢位「姫野ひなの」，就係一位不停遇到Fans求婚嘅偶像成員，究竟佢又有咩魅力呢？

現年21歲，來自北海道嘅「姫野ひなの」，最早於2022年時以偶像女團「#よーよーよー」嘅創團成員身份出道，換言之佢同我哋早兩排介紹過嘅「貝賀琴莉」及「由良ゆら」其實係隊友黎。不過去年佢就宣佈離隊，並加入新團體「#Mooove!」再次出道。身材方面，擁有一頭黑色短髮嘅「姫野ひなの」雖然只有148cm高，但衣服下包裹嘅卻係一副有腹肌嘅緊致苗條身段，即使上圍數字並不誇張，但依然非常養眼。

值得一提嘅係，「姫野ひなの」嘅Fans非常熱情，喺佢IG中每張靚相下方嘅留言，都係大讚佢「好可愛」、「超鍾意你」，甚至有唔少人直接留言「同我結婚啦」。如果你去Google搜尋佢個名，第一個跳出來嘅關鍵字更加係「姫野ひなの 結婚」，並唔係因為佢真係結咗婚，而係因為網上太多人幻想同佢結婚，所以成為熱搜關鍵字！唔知各位睇完佢啲相，又理唔理解佢嘅魅力呢？

IG：pi._.y