{ SKIP }
文:MenClub 魏文青  
POSTED ON 24 Mar 2016
有人話人類與其他生物嘅最大分別,在於我哋有想像力,能夠喺腦內構造出虛幻嘅事情--例如一個性幻想對象!無論你有冇固定伴侶、而佢又有幾靚同有幾索,大家嘅心底裏面都一定有一堆(注意,係一堆)性幻想對象黎滿足不同需要。甚至有研究顯示大部份人與伴侶親密之時,都試過幻想對方係另一個人黎增加刺激感。咁究竟嗰一堆幻想對象係啲咩人?有指美國有網站做咗一個網上投票,讓一眾「性取向為女生嘅人(即直男與TB)」選出「性幻想對象」Top 5!而冠軍更打敗咗Emma Watson、Kate Upton等女神添呀!

第五位:Megan Fox


第四位:Kate Upton


第三位:Emilia Clarke


第二位:Emma Watson


第一位:Gal Gadot


呢一刻你可恣覺得「Gal Gadot」呢個名有啲陌生,但信我,好快你就會記得佢係邊個--只要你會入場睇《Batman v Superman》。因為佢就喺入面飾演Wonder Woman!


今年三十歲嘅Gal Gadot出身於以色列,血統上為波蘭、奧地利、德國加捷克混血。2004年時曾經贏得以色列小姐冠軍,之後代表以色列參與該屆環球小組。完成比賽後佢冇直接加入娛樂圈,而係返返以色列從軍,兼職做模特兒和修讀法律。正正係因為佢當過兵,加上本身就鍾意電單車(佢本人有架Ducati-Monster S2R)所以被《Fast and Furious》導演Justin Lin睇中,於第4至第6集飾演特工「Gisele」。2013年尾,DC宣佈Gal會成為新一代Wonder Woman,除咗今日上咗嘅《Batman v Superman》,黎緊嘅《Justice League》以及Wonder Woman獨立電影都會由佢主演。


有睇過《Fast and Furious》同《Batman v Superman》嘅劇照,都知佢身材非常好。雖然上圍唔算豐滿,但一對長腿同樣吸引。加上本身就鍾意運動,身體線條非常優美。另外受惠於佢嘅東歐混血血統,以及健康嘅膚色,Gal嘅五官亦甚有異國風情。當然,作為一女之母嘅Gal亦有成熟女性嘅韻味,難怪班外國人咁鍾情於佢啦!


咁你哋又點睇?雖然我都覺得Gal Gadot唔錯,但我都係鍾意Emma Watson同Emilia Clarke多啲--妙麗同龍母喎!
大家有無試過因為同一時間經歷好多事,所以即使實際時間唔係過咗好耐,但體感時間就長得多嘅錯覺?我每次見到今晚介紹嘅呢位「菊地姫奈」時,都會有呢個感覺。事關佢自出道以黎,就一直雄據各大雜誌嘅寫真版位,作品 ...
girls
【深夜】出道五年成「令和完售女王」!「菊地姫奈」戰力驚人
28 Nov 2025
日本各大青少年雜誌嘅寫真版面,係一眾寫真女星嘅主戰場。但由於僧多肉少,加上要為讀者提供新鮮感,哪怕寫真女星再紅再受歡迎,都好少會於短時間內出現於同一本雜誌之上。而今晚要介紹呢位「福田ひなた」就係當中嘅 ...
girls
【深夜】「可憐」偶像處女寫真大紅 「福田ひなた」破紀錄最速回歸
26 Nov 2025