作為一個充滿住潮流文化嘅城市，香港多年嚟一直係外國fashion brand進駐之地，再交流到中外。但無奈嘅係，香港「本土」時裝品牌，一直難以尋找出路，基本上風格都未培養到，就已經收檔。而作為香港最知名的本土品牌，izzue不知不覺成立20周年，更甚者，izzue今年2月更進軍全球四大時裝週，於倫敦時裝週舉行fashion show及發表秋冬系列。此舉更成香港首個進入倫敦時裝週官方日程的香港品牌，寫下香港時裝品牌一個重要里程碑。

但時裝生態從來都係「半日鮮」，欣賞同撐唔撐係兩回事。而今年izzue為隆重其事，今季秋冬就搵來全球不同的新世代人物好似陳飛宇、任晴佳以及模特兒Celine Farach和籃球員Arif Sempala演示服飾。其中KOL模特兒Celine Farach，相信MenClub讀者最熟悉嘅一位。

擁有過百萬fans的KOL，Celine Farach近年走出social media多次為時尚雜誌擔任模特兒 以及到世界外地出席品牌活動，包括日本、越南、韓國等地。以上種種就是Celine想打破社交媒體平臺的框框，擴闊自己的眼界。

本身在instagram較為大性感熱情的Celine Farach，在染指時裝界後就越著越多布，唔知大家睇唔睇得慣呢？

年輕貌美嘅Celine Farach著上street fashion感覺嘅服飾，唔係下下都one piece高踭鞋嘅！