今時今日同你講起「丹爺」，如果你諗起嘅係甄子丹、甚至係劉丹，咁你就真係Out哂！你需知道目前世界上最紅嘅「丹爺」乃係有「Instagram之王」之稱、擁有超過500萬Followers，每日就係玩女、玩車、玩槍、玩飛機大炮嘅Dan Bilzerian！！

見到丹爺呢個咁嘅生活態度，大家都肯定係「羨慕妒忌恨」緊。一方面就好睇唔過眼佢咁曬命，另一方面又好想自己有條咁嘅命可以曬下！為咗平衡下自己心理，最好就係睇下佢仆街嘅新聞！所以我好隆重咁宣佈，丹爺禮拜二夜晚就比人拉咗啦!!!!

不過半日之後就放返出黎嚕，睇清楚，係「放返出黎」，唔係「保釋」呀下！

丹爺係喺美國時間星期二夜晚抵達洛杉磯國際機場時被捕，警方資料顯示晚上十點鐘過後就有丹爺的收監紀錄(Jail Record)。但喺第二日晏晝1點16分就已經將佢釋放。洛杉磯警方指丹爺係因為「藏有或者製造爆炸或易燃品」被內華達州通緝，由於是嚴重罪行，所以丹爺係不准保釋。但到放佢出黎嘅時候所有控告又已經撤銷，夠哂離奇。但最離奇嘅就係丹爺被放之後，洛杉磯分區檢控署的發言人就以電郵回覆媒體查詢，指有關檢控未被撤銷，完全唔明點解丹爺會被放喎！

有指丹爺的律師成功打甩咗內華達州出嘅拘捕令，而由於丹爺並沒喺洛杉磯犯下任何罪行，所以洛杉磯警方必須放人。

至於丹爺對被捕嘅感想啦喎……