{ SKIP }
文:MenClub 魏文青  
POSTED ON 24 Jul 2017
黑膠熱又再興起,搞到文青都好想買部黑膠機放喺屋企聽下。但市面上嘅黑膠機閒閒地都要二、三千銀起跳,之後又要配喇叭又線又盛,對入門者黎講都真係幾肉赤。好在我近期就發現由台灣團隊推出嘅「Spinbox」紙箱黑膠機,唔使一千銀就可以擁有一部質素唔錯嘅唱機、又可以過下砌嘢癮、甚至仲可以拎出街用!或者就可以成為一眾入門者嘅第一部黑膠啦。


Spinbox之前已經於台灣嘅眾籌網站成功集資出貨,所以大家可以比較放心。Spinbox嘅包裝就係一個類似Pizza盒嘅紙盒,入面有轉盤模組、擴音、喇叭同一切電線電路,買家只需要跟從指示,就可以自己砌出一部黑膠機。因為結構非常簡單,所以大家亦可以自行DIY,例如喺紙箱上畫你自己鍾意嘅圖案、甚至成個換做其他嘢都可以。如果用返紙箱,又因為輕便嘅關係所以可以隨時拎出街用——喺沙灘、公園聽黑膠成件事幾咁作狀呀真係!

台版宣傳片

聲音示範


你擔心用紙皮部機會好脆弱,唔小心倒瀉水就成部玩完?放心,因為個紙箱其實有特別塗層,有一定防水效用,你唔係拎去浸水嘅話佢應該都冇太大問題。另外佢仲有AUX in線接駁電話,變成一個播放器,亦可以接駁耳機或者外置喇叭,仲可以用USB供電,即係配個尿袋佢就可以去到邊播到邊。睇黎成件事真係好美好。


目前Spinbox就喺Kickstarter集緊資,上星期一公開,用咗40分鐘就完成咗目標。目前淨返最平嘅選擇係99美金一個,預計11月出貨。大家又會唔會有興趣?


Spinbox on Kickstarter
Spinbox on Facebook

今晚唔講女,但講一件同樣可能影響大家下半身幸福嘅事。
tech
「網絡中立」被打破 以後睇Pornhub要收錢?
15 Dec 2017
早前SEGA Games宣布,將會以旗下RPG遊戲《真・女神轉生》為藍本,開發手機遊戲《D×2 真・女神轉生 Liberation》,繁中版遊戲預定本月底開始香港地區封測,將惡魔以3DCG形式重現於手機上,未來更計畫加入AR功能, ...
tech
SEGA手遊新作《真‧女神轉生》 AR召見惡魔
15 Dec 2017