Photos: Wikipedia

唔知係咁啱得咁橋，抑或有樣學樣，繼蘋果喺中國內地app store刪除所有VPN程式之後。俄羅斯總統普京剛簽署新法例，由今年11月1日起禁止該國境內使用VPN程式，換言之，俄國網民唔可以再匿名瀏覽網站。

俄羅斯下議院（即國家杜馬，Duma）資訊科技政策委員會主席例牌出嚟澄清，話新法唔係針對「守法公民」，只係想打擊一啲「違規內容」。有評論認為新法實施後，有助普京打擊反對聲音及極端主義活動。

俄羅斯今次行動唔係失驚無神，早喺2015年已通過法例，所有國民的用戶資料都要儲存於俄羅斯境內嘅伺服器，去年亦通過新法例，要求電訊商及互聯網服務供應商保留一年內嘅網絡交通數據，嚟到今年，VPN都ban埋。

親耳聽過巴打講，俄羅斯網站多靚女睇，尺度亦好寬鬆，唔知遲啲會唔會連甜相甜片內容都受威脅。