今年4月新上任嘅Sony CEO吉田健一郎，即將喺聽日公布一項為期三年嘅計劃，內容係Sony將會加強重對遊戲訂閱及娛樂收入嘅比重。事實上，Sony嘅重點一早已經唔係喺硬件產品方面(如電視機、數碼相機、智能手機及PlayStation遊戲機)，喺截至今年3月嘅財政年度中，Sony所出售嘅硬件產品雖然有所下降，但仍然能夠做出創紀錄嘅營業利潤。

喺5 月22日嘅東京時間上午9點30分，Sony CEO吉田健一郎將會展開Sony嘅投資者關係日，而Sony全部嘅8個部門都將會提出直至2021年嘅中期發展戰略。即使Playstation 4遊戲機嘅銷售下降咗20%，但有賴PlayStation嘅線上網絡持續收入，遊戲部門嘅利潤仍然有所增長；喺過去嘅2年，PlayStation Plus收費用戶增加咗64%，達到了3420萬人。

除咗遊戲以及晶片外，吉田健一郎好可能會談及知識產權及專利授權嘅重要性不斷上升。早前Sony亦斥資1.85億美元收購了Snoopy品牌所有者―Peanuts Holdings 39%的股份。

來源︰Bloomberg