踏入咗數碼時代之後，每個人只要拎起手機就可以隨意影相，仲有幾多人會菲林相機影相，去等待一張張嘅照片沖曬，期待住照片所攝下嘅一刻，即使不完美。Canon 正式宣佈旗下最後一部菲林相機 EOS-1v將會停售，意味住Canon 80年嚟嘅菲林相機業務將會結束。

EOS-1v於2000年推出，係Canon目前唯一部仍然賣緊嘅菲林 35mm單反相機。其實EOS-1v一早於喺2010 年已經停產咗，只係 Canon 繼續售出貨尾，而EOS-1v嘅維修保養將會延續至 2025 年 10 月 31 日，但如果 2020 年 10 月 31 日後維修所需零件用盡，有可能被拒絕維修。

有報導指出， Canon 停售 EOS-1v 係因為數碼相機太過普及，而菲林相機嘅需求不斷萎縮，所以先決定停售。

來源︰The Verge