公布咗5年嘅《Kingdom Hearts 3》(王國之心 3)原定今年推出，官方喺E3宣布延遲至2019年1月25日於Xbox One及PlayStation 4平台發售。遊戲監督野村哲也喺E3接受媒體訪問時表示，遊戲仲有好多未公布嘅世界，例如《大英雄聯盟》。

對於《Kingdom Hearts 3》延遲推出，野村哲也表示主要係因為發售計劃上嘅改變，因為與遊戲平台、市場及銷售團隊討論後，認為原定發售日期並非最佳時機。

頭先講到遊戲仲有未公布嘅世界，野村指出遊戲有推出DLC (Downloadable Content)嘅可能性。

《Kingdom Hearts 3》以迪士尼世界做背景，遊戲中加入咗唔同嘅迪士尼名作，包括《反斗奇兵》、《冰雪奇綠》、《魔盜王》等。

喺Microsoft Theater內設有《Kingdom Hearts 3》試玩區。

而E3場內Square Enix嘅場區都有設置試玩，但人龍多到打晒蛇餅，要試都唔係易事。