距離新一代iPhone嘅秋季發布會仲有大約兩個月時間，近日中國媒體充電頭網就爆出疑似新iPhone嘅跟機充電器。流出嘅充電器功率高達18W，並採用咗USB-C PD3.0技術，以目iPhone嘅電池大小估計，iPhone搭配新充電器可以喺1個鐘內充電至100%，較目前市面上嘅大部分Android手機都快。

從流出圖片中睇到，充電器嘅正面係用咗USB-C 接口設計， 維持咗一貫白色及灰色嘅設計。由於係充電器是「工程樣品」，充電器背面嘅標記方式同正式發售嘅有所不同，包括3A(15W)與 2A(18W)充電時可以提供高達 5V 輸出嘅充電數據，而充電器嘅型號 A1720上都標記咗「Engineering Samples Not for Sale」。由於香港係用三腳插頭，所以港版設計有機會唔一樣。

早喺今年5月，充電頭網亦爆出過料Apple呢款新充電器嘅設計草圖，升級嘅充電器將會全線用上USB-C輸出接口，支援USB PD快速充電，輸出功率最大可達18W，除體積增加之外，仲會由目前嘅方形(中國版)變為橢圓形。

來源︰9to5mac