Tesla創辦人Elon Musk總會有意外驚喜畀大家，今次Tesla推出咗一款限量200塊嘅滑浪板，售價仲高達1500美金(即約1.17萬港元)。當你以為一塊咁貴嘅滑浪板無人買嘅時候，呢塊板一早已經喺Tesla官方網站上售罄。

呢塊滑浪板係由Tesla設計工作室與Lost Surfboards及Matt “Mayhem” Biolos合作設計，根據Tesla官方網站描述，滑浪板係為世界衝浪聯盟冠軍運動員而設計。限量版Tesla滑浪板採用咗與Tesla汽車相同嘅高品質啞光及光澤飾面，以及採用咗輕質「黑鏢」碳纖維材料，而滑浪板嘅設計靈感嚟自Tesla汽車內飾。

Tesla官方網站指出，電動車Tesla S、X及3型都可以喺車輛內側或外側好咁輕便咁容納到呢塊滑浪板，而每一塊滑浪板都係訂製，並只生產200塊，生產及交付需要喺2至10星期內完成，但目前滑浪板已經喺Tesla官方網站上售罄。

來源：Tesla官方網站