今年係NASA(美國太空總署)成立60周年，除咗早前公佈新一份重啟登月嘅太空探索計劃外，今日仲公布咗一條60秒嘅CliffsNotes風格短片，當中紀錄咗NASA數十年嚟嘅太空發展歷史，包括登陸月球、探索火星等重大計劃。

雖然NASA嘅60秒短片中未有深入研究其60年嚟嘅漫長歷史，但都重點講出NASA成功將人類以及儀器送上太空，其中最重點當然係喺月球上留下足跡，兼插下美國國旗。

美國作為第一個登陸月球嘅國家，短片亦有指出美國喺太空領域上保持住領袖地位，包括進行喺泳池等嘅太空訓練，以及太空人喺國際太空站玩樂嘅畫面。

而早前NASA決定重啟嘅月球探索計劃，首先會喺2023年先進行載人繞月飛行，並喺2030年前登陸月球，為咗實現呢個目標，NASA計劃喺月球軌道上建立一個半永久性繞月基地。

來源：CNet