{ SKIP }
文:MenClub Patrick  圖:互聯網
POSTED ON 08 Jan 2015



上星期介紹了幾款近期推出的高階eaphone給Gentlemen,相信大家睇完後都會察覺到,其實能不能夠換線,對高階earphone來說係幾重要,更可能係用家選購earphone的一大考慮因素。

事實上,earphone一定比headphone更加「舟車勞頓」,壞線的機會比較高,大嗱嗱幾千銀買對earphone,只因耳機線損壞而要全機報廢,實在好可惜。撇除這個現實問題,更換耳機線亦可為用家帶來最合口味的音色,所以對earphone音質有要求的Gentlemen,真係應該挑選可換線的款式。

不過,揀耳機線其實比揀耳機有更多學問,新手未必一時三刻就能了解,所以今次筆者請來
耳機雜誌《Lyra Media》的主編Cato,深入淺出的為各位講解一下換耳機線的基本知識。係人都知一條earphone耳機線,最基本就係由插耳塞那邊插頭、線身與插播放機的插頭3部分組成,今次就先講講兩邊插頭的選擇方法。



耳機雜誌《Lyra Media》主編Cato




點分兩大耳塞插頭?
雖然Cato自己數到現時全球所有可換線的耳機,耳塞那邊的插頭至少有8種不同的設計,但他說常見的其實只有兩種,只要earphone用這兩種插頭,就實有大把耳機線揀。Cato又補充,耳塞選擇採用哪種插頭,縱使有多個結構與設計上的考慮因素,但對於音質,其實係冇影響的,所以揀earphone時毋須諗到這點。


1. MMCX

使用品牌:Shure、Ultimate Ears、Westone、Onkyo、Fostex、Sony、JVC等
本來係天線用的插頭,最大好處係不易鬆脫,而且可以回轉,戴着earphone時,活動比較方便,但亦因此會增加磨損表面塗層的機會。


2. Custom兩針

使用品牌:Ultimate Ears(Custom Made)、JH Audio、1964 EARS、Westone、EarSonics、Vision Ear、Heir Audio、Compact Monitors等
相對起MMCX,會更加耐用,但兩邊插頭的兩支針長度及粗幼皆一樣,需要跟據標示來分左右,插錯了會導致聲音反相。



點分播放機插頭規格?
插player那邊的插頭比較簡單,基本上只得一個樣,惟獨size上有分3.5mm與2.5mm。不過,Cato話這邊的插頭大細,純粹係因應player構造而考慮選用,對音質沒有影響,需要留意的,反而係插頭上面有3節抑或4節?


3極插頭較常見
比較常見的3極插頭,叫做「TRS(Tip Ring Sleeve)」,T及R係分別負責左右訊號,S就係負責所謂的「地」(左右共用)。



4極插頭可玩平衡傳輸
近年興起的4極插頭就叫做「TRRS」,即係在原有的Tip、Ring、Sleeve之中,再加多1節Ring。於是,最出的T及R,可照舊用來負責左右訊號,但這種插頭卻也能將「地」訊號分開左右來傳輸。這種傳輸方式,亦即係近年經常聽到的「平衡傳輸」,AK240等高階手提player或耳擴,都會用來作為賣點。

平衡傳輸之所以備受推崇,係因為分開左右去傳輸「地」訊號,解決了訊號互相干擾的問題,令背景變得較靜。因此,樂曲中的細節就會顯得更加突出,聲音亦變得更立體,定位較好,音場也會更闊。

不過,最重要都係你的player或耳擴都具備平衡輸出功能,方能夠享受到上述優點。另外,好多手機earphone的插頭都同樣有4節,但多出的1節只係用來為handsfree收音咪傳輸音訊,與優化音質無關,要分清楚!



點揀播放機插頭塗層?
另外,Cato指選擇player插頭時,塗層物料都好值得留意,所以大家經常會見到耳機標榜自己的插頭用了甚麼塗層。而一般可供選購更換的耳機線,插頭塗層主要是用以下3種物料,各有優及缺點。


1. 鍍金
傳導效果不是最好,但係耐刮,兼且能夠防氧化,即係最襟用。




2. 鍍銠(Rhodium)
傳導效果最好,亦即係音質最好。但塗層比較容易剝落,以致高音變得啞聲,嚴重時更加會出現接觸不良問題,係3種物料插頭之中最不襟用。



3. 鍍鎳Nickel
屬平價物料,無論傳導效果及耐用度都不及鍍金,只叫做好過咩都冇鍍。



產品查詢:DMA 3971 0242

尋找靚聲earphone:換線篇(下)





自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024