啲人成日話，男人永遠係大細路，細個玩玩具車、砌BB槍、儲汽水蓋；大個渣名牌車、打War Game，儲紅酒。

Mean娜認識唔少型男都喜歡下廚，亦都煮得一手好餸，更視廚房係佢哋大顯身手，喺女性朋友chok行個樣嘅戰場，所以佢哋都好落本搞靚個廚房，成日share有乜最新款廚房用品，問吓幾錢啦？佢哋總會話工欲善其事，必先利其器喎。

意大利家電品牌SMEG，多年來靠懷舊外型同現代化功能，喺歐美都好受歡迎，近年亦都經常出現喺人氣韓劇，例如如《繼承者們》和《Jessica & Krystal》。

SMEG近日與本港代理 Kitchen Infinity Holdings Limited黃竹坑開設首間本港陳列室。

新陳列室展示多個著名 Aesthetics 系列，包括 50’s Style、Piano、Newson和Cortina。當中最為人熟悉，應算係SMEG 50’s Style Fridge。

由上向下數第二層，上方設有橫放飲品的金屬架，就算唔好紅白杯中物，放幾枝Acqua Panna都好喎。

當需要放置較大體積的食物（例如蛋糕），可以移走金屬架，以騰出更多空位。

揀電器，往往係男人揸主意，女士往往怕煩，令人覺得佢哋no say。

不過，如果件電器好colourful，又或者有佢哋最like嘅顏色，例如Hello Kitty或Melody常用嘅粉紅色，姊妹們又點會企埋一邊？呢套50’s Style粉紅系列，包括Fab28型雪櫃、洗碗碟機、洗衣機及電熱水壺，Mean娜好有信心同巴打保證，85%香港女仔/女仕都會like，trust me！！

好！叫你老婆冷靜啲先，我哋繼續。香港陳列室除了展示SMEG 50’s Style Fridge，仲有Marc Newson系列。

Newson 系列產品包括焗爐、煤氣煮食爐、導熱煮食爐等等，綴以色彩或精鋼，以及玻璃元素。唔止設計高級，而且性能超卓。例如容量達 68 公升的焗爐、連 4.6 kW 直立式爐頭煮食爐

意大利經典牌子，同意大利快意（Fiat）合作推出非一般雪櫃——SMEG500，連對車無興趣嘅我都好鍾意

一望SMEG500，就認得出係元祖Fiat 500嘅車頭，廠方將壓縮機放置在車頭底部，中心部份放飲品，溫度由攝氏4度至10度，車頭燈可獨立開關，果然係實用又夠Moody，仲有5隻色揀，所以呢個系列推出不久，就奪得2013年Good Design Award！