最近人人都講iPad Pro同支Pencil，其實隔離Microsoft早就行先幾條街，講緊最新Surface 3配搭嘅 Surface Pen，無論感應壓力同角度嘅反應都非常準確，隨手就可以畫出充滿筆觸嘅線條，加上仲有Palm Block技術保護，有效防止繪圖時會被手腕觸碰屏幕帶嚟嘅影響，唔使吊筆等你畫得自然，配合容易上手嘅Fresh Paint程式，點止幫你成為小畫家咁簡單，揸筆搵食點可以冇咗佢？難怪咁多designer都鍾意用Surface 3創作，包括人氣插畫家Hello Wong，更加親身示範用Surface Pen極速畫出愛貓，畫完仲可以即時開心些牙。

規格方面，Surface 3最高有128 GB儲存空間加4 GB RAM，配備四核Intel Atom x7處理器，效能強勁，更可以直接免費升到大受好評嘅最新Windows 10，安裝同運行桌面版程式都無問題，咁就可以用盡所有好玩同實用嘅功能同程式，另外擁有全尺寸USB 3.0接口，要save低大file俾人都話咁易。

Surface 3亦早早用咗連實體Keyboard功能嘅機套，加上有多顏色任你配搭，想點襯都得。除此之外，Surface 3機背仲有精心設計嘅kickstand，令你喺任何地方都可以好穩陣擺放Surface 3機身，而且10.9"高清屏幕睇得又靚又清，戶外寫生都一樣難佢唔到，講到尾，識揀一定揀 Surface 3！