上個月Canon發表完2億5000萬像素感光元件之後，好多人都想睇下呢個像素嘅畫面到底有幾勁，家陣終於有得睇喇。Canon發布咗呢粒新sensor嘅示範影片，配上遠攝鏡頭拍攝差13里外嘅景物，然後放大嚟睇，再同全高清解像度影嘅畫面做比較，就睇到有幾大分別。喺影片入面可以睇到將相片局部放大後，仍然可以睇建築物上嘅字同埋樹木等細節，甚至連1.9里外有人同你揮手都睇得到。雖然感光元件像素夠晒高，但畫質都唔算好。Canon除咗示範超高像素之外，更順便show埋「Turbulence Removal」呢個新功能，只要開啟之後就可以減輕空氣流動嘅折射，令影像更清晰穩定，對遠攝特別有幫助。