超可愛 Ulo貓頭鷹監視鏡頭

文：MenClub Frey Lai　　圖：互聯網
POSTED ON 30 Oct 2015

呢隻眼大大又圓碌碌嘅貓頭鷹Ulo，其實係一個監視鏡頭，大眼仔係1.2" LCD，而佢個咀其實係單反光面鏡，入面裝咗鏡頭同埋動作感應器，對眼會識得跟住你嘅動作郁，去到邊都望實你。Ulo用法好簡單，篤一下個頭就係開關，連篤兩下就可以進入警戒模式幫你睇實附近有冇動靜，而且仲大眼仔嘅LCD仲會自動熄，等佢可以神不知鬼不覺咁幫你留意，一有唔妥就會以gif動畫send去你預設好嘅email。

Ulo內置WiFi功能兼同時支援iOS同Android，只要連接手機之後，就可以喺手機上面睇到Ulo拍緊乜同遙控影相，而且亦可以改變佢眼睛嘅顏色同光暗，又可以顯示天氣狀況，如果冇電時仲會眼瞓表情提醒你叉電添。雖然呢隻貓頭鷹又cute又有用，但對住貓應該唔wrok，相信好快比佢一巴車爛。Ulo嘅99歐元early bird優惠已經賣晒，而家最平得返149歐元，千幾港紙仲要等到出年11月先會出貨，真係有耐性先好買。