坐長途機時因為會經過唔同時區，如果唔係飛慣的話，生理時鐘好容易會被搞亂而出現Jet Lag，人體喺燈光暗或者冇太陽時就會釋放褪黑激素以助入睡，所以如果飛機燈光太猛，絕對會影響大家嘅休息時間。

卡塔爾航空就同Airbus合作，推出一架可以治療時差嘅飛機。由Airbus投資150億美元開發嘅A350 XWB，除咗改良空氣動力學設計，能比以前型號更環保同更有效率之外。新機最特別係配備全新嘅燈光系統，能夠利用LED模擬出自然光效果，同時會因應出發地嘅作息時間而自動調節光暗同色溫，等大家可以容易啲休息。呢架飛機喺上個月已經服役，以後就算坐長途機就可以瞓得舒服啲啦。