Dyson推出電動車消息並唔係由佢哋公布，反而係英國《衛報》喺政府文件入面意發現。事源係英國政府早前公布「國家基建運輸計劃」，入面提到政府向Dyson投資1.74億英鎊開發新電池電動車，而且創造500個就業機會。目前Dyson仲未有回應，據稱相關資料已經被移除，但睇返政府文件仍見到政府表示會投資1600萬鎊畀Dyson開發電池。

其實Dyson有意推出動電車係有跡可尋，上年Dsyson就收購美國電池技術公司Sakit3，睇中除咗Sakit3嘅鋰電壽命係現有電池2倍外，Sakit3開發緊嘅固態電池技術好可能先係Dyson嘅真正目的，事關固態電池被視為下一代電動車必備技術，更有可能為電動車帶來突破性發展。