{ SKIP }
文:MenClub 魏文青  
POSTED ON 06 Jan 2018
天寒地凍,週末最好節目就係攬住愛人喺屋企「Un下Un下」。如果你仲想增添樂趣,當然可以試下新花式、用下新玩意,但德國法蘭克福大學做咗個研究,發現仲有個更極端、但有效嘅方法——結紮!

根據佢哋搵黎294對男方進行咗結紮手術嘅情侶進行嘅調查,發現有4成男士覺得結紮後嘅性生活「有明顯進步」,亦有人指性欲增強、勃起後硬度更高、高潮快感亦更強烈,更重要嘅當中有12.4%嘅男士指結紮後性愛次數變多。同樣嘅結果亦同2015年史丹福大學進行嘅一個研究相似,當時史丹福大學訪問咗超過6000名男士,發現結紮男士一個月平均有5.9次性愛,而非結紮男士只有4.9次。

另一方面,女伴們亦唔覺得男伴嘅性能力喺結紮前後有任何「跌Watt」。令到結紮貌似成為提升男女歡愉快感嘅好方法!

至於點解結紮會令男士性愛質素提升,主要嘅原因唔係喺下面個頭,而係上面個頭。研究指縱然結紮唔會男士性能力有任何正面或負面影響,「唔會有BB」呢個想法就令伴侶們更主動、更專心地享受性愛,而唔需要擔心一個唔該「搞出人命」。 小小嘅一刀換黎心理上嘅放鬆同肉體上嘅滿足,你又會唔會考慮下?
Men's Health
台灣有一名恐怖人妻,因為想喝珍珠奶茶,但老公不買給她,竟然把自己反鎖洗手間內,要生要死,最後勞師動眾,驚動警察上門調停……
thezone
珍奶人妻
23 Sep 2018
若果你嘅愛情有呢啲癥狀,記住九叔嘅說話。
thezone
好心一早放開佢 有毒愛情的八大特徵
23 Sep 2018