男人都會M到睪固酮影響情緒與生理變化

文：MenClub Mean娜　　圖：互聯網
POSTED ON 08 Jan 2018

唔知有冇巴打聽過「男人都會M到」呢個說法，雖然不同於女性M到會下體流血咁明顯，但其實男性每個月都會受睪固酮影響，喺情緒上同生理上都有所變化，情況就好似女性M到咁，所以坊間先會傳出男性都會好似女性咁有「M到」情況出現嘅說法。

咁其實「睪固酮」係咩，對男性身心又有咩影響呢？「睪固酮」其實係男性體內一種荷爾蒙，佢除咗會令男性產生性衝動之外，仲會影響肌肉、脂肪、骨量等等變化。一般而言，睪固酮會喺清晨達到高峰，所以會有「晨勃」呢個情況出現。另外亦有研究指出，男性每個月會有幾日情緒特別低落，好似女性M到時咁，都係因為受睪固酮所影響。如果想提升返睪固酮，令個人開心返，不妨多啲啪啪啪或者做劇烈運動，都會令睪固酮升高。「M到」唔係淨係關女人事，其實都關男人事，如果每個月某幾日都特別唔開心，巴打就要注意一下喇。