- SITE MAP
- |
- CONTACT US
- |
- ADVERTISING
- |
- PRIVACY
- |
- MOBILE
- |
- RSS
「男人不壞,女人不愛」係男士之間嘅「常識」,而通常男人都係親身經歷過「落力為你好 得不到分數 你決定要跟他日後同步」嘅悲慘結局先深深感受到當中嘅真締。問題係另一邊廂,又有研究顯示好人嘅男人比起其他男人有更多性愛機會。咁究竟女人係鍾意好人壞人?定係佢哋食哂兩家茶禮?答案其實比你想像中簡單:你其實唔係好人! | |
根據英國《獨立報》引述心理學家Dr. Jesse Marczyk所說,「好人」(留意引號)其實唔係真心對人好,而係因為自覺自己(於外型、社會地位)等不吸引,所以以「好人」形象出現,對目標女性百般殷勤、呵護,希望彌補自己嘅不足。背後嘅邏輯係「當我滿足你嘅所需(例:幫你整電腦),作為回報你就要滿足返我(例:上床/做我女朋友)」。換言之佢當「追女仔」係一個過關遊戲,女仔(大魔王)設下一個又一個關卡,而只要「好人」能夠一一通過,最終就會有大團完結局。問題係感情——甚至絕大部份人嘅互動——都唔係咁樣運行,更甚者女方對「好人」由一開始就可能冇任何(愛情上的)好感。於是「好人」喺付出一大輪之後發現自己仲喺Friend-Zone,當中嘅反差(隱性反差,Convert Contrast)就會令其爆發,最後與女方反目收場。 | |
另一慳時間嘅方法,就係由一開始就知道自己想要嘅「回報」係咩,簡而言之即係設下「止蝕位」。Dr. Marczyk建議大家「由一開始就搞清自己的目的,而如果對方不能給予回報,就不要逗留」,避免成為「不必要的朋友」(反正你都唔係想做朋友)就可以直接避免「Friend-Zone」。 如果咁決絕你又唔捨得,咁就要去增進自己嘅「籌碼」。Dr. Marczyk提議大家「去健身、去打扮好自己、去找份更好的工作,提升自己的社會地位,簡單來說就是做多一些人家會覺得吸引的事」。留意呢到嘅重點係「增進自己」,而非對目標獻殷勤。只要令到自己條件更好,「叫價」自然就能更高,對方亦會對你刮目相看。 |
|
值得留意嘅根據University of Guelph於2016年嘅一個研究顯示,無私嘅男人(i.e. 真正嘅好人)比起其他男人擁有更多性愛(不論是一夜情、與穩定伴侶、或是與已婚伴侶)。背後嘅原因係自遠古人類打獵為生時期,一個願意去幫助別人嘅男人,代表他有能力搵到額外的資源,而且願意分享,咁跟隨佢嘅女性就更有機會享有優質生活,於是「無私」就成為一個吸引女性嘅條件。所以大家都可以考慮下做一個真心無私嘅人。 | |
至於「你要靜候 再靜候 直到失收始終要守」會唔會係一個好策略?縱然「由朋友變情人」並非罕見之事,但「Friend-Zone」本身就係一個「期望與實際回報不相稱」嘅情形,Dr. Marczyk指呢個係「失望嘅方程式」,除非當中嘅變數有所不同,否則結局永遠都係一樣。 咁大家知道點做啦? |
|