{ SKIP }
文:MenClub Mean娜  圖:互聯網
POSTED ON 07 Feb 2018

雖然接吻對單身狗而言看似遙不可及,但對戀愛中嘅人嚟講,正所謂「錫下又唔會有BB」,一日錫足十幾廿啖又有幾閒呢?但關於接吻,除咗技巧之外,其實仲有好多有趣嘅冷知識,你又知唔知?


對初吻嘅印象比初次性交更深刻
好多人都話初吻好難忘,的確唔係講笑,因為有研究指出,大約有9成人對初吻嘅記憶比第一次性交嘅記憶更為深刻,真係估都估唔到!

接吻時會下意識合埋雙眼
接吻時會因為緊張、怕羞而分泌腎上腺素,令你心跳加速同瞳孔放大,視覺都會變得比平常敏感,眼睛就會自然合埋。

接吻時有2/3以上嘅人會將頭向右傾
德國教授Onur Gunturkun發現,人喺接吻時將頭向右傾嘅比例相當高,呢個習慣可能同慣用手有好大關係,另外,由於母親哺乳時多數會將嬰兒抱到左邊哺乳,所以大部分人有將頭向右傾呢個潛意識行為,感覺更有安全感。

男女接吻時都會產生性衝動
成日聽講男性接吻時會產生性衝動,其實女性一樣都會,因為男生唾液中含有睪丸酮,會刺激女性性欲,所以錫錫下係好自然就會想發生性關係。

6成人會因接吻而對對方失去興趣
經研究調查,無論男又好女又好,有6成人會受接吻經驗影響,而對對方失去興趣,由於接吻會聞到對方嘅氣味、加上接吻時嘅信息交換非常複雜,會對潛意識帶嚟影響,對大腦傳遞出「呢個人適唔適合自己」嘅message。

藝術家Evgeny新創一種保鮮紙塗鴉方式,並改名為「Cellograffiti」,一齊欣賞下佢嘅作品啦!
gags
不一樣的塗鴉 藝術家新創保鮮紙噴畫
22 Feb 2018
你以為名人賽(Celebrity Game)最好睇係吳亦凡?你錯啦!
girls
NBA名人賽亮點 Rachel DeMita
21 Feb 2018