靚車

好多男人以為買到架靚車啲女仔就會自己衝埋黎，現實中除非你係Uber司機，唔係其實都真係好難發生啲咁嘅事。外國網友們指從未聽過有女仔話「個男仔好好，但佢架車唔夠好」所以唔揀個男仔，而無論係Rolls Royce定韓國現代，喺大部份女仔眼中可能根本就冇分別(唔識分)，只要架車夠乾淨、唔係偷返黎，其實已經好足夠——換言之，唔需要係靚車，但都要有車(外國嘛)。

六舊腹肌

縱然唔少女網友都話欣賞男士為鍛鍊身體，但練到有六舊腹肌又唔一定會令女仔醉心於你。有女網友就指身型呢家嘢係睇平衡，你一心練到六舊腹肌但就去配對香雞腳一樣唔掂——換言之，腹肌可以冇，但做下運動又更好。

大JJ

可能係男人對女人最大嘅迷思，亦可能係傳遞最廣嘅兩性錯誤概念。其實男女做愛都係求舒服，而舒服與否同你嘅粗幼大細係完全冇必要關係。所謂冇咁大頂帽，就放唔落咁大個頭，夾硬塞入去又點會舒服嘅事？所以大小呢家嘢都係夠用就得。更有女網民指曾經認識一名男士太在意自己嘅大小，搞到每次做做下愛半途道歉(真係Say Sorry)，結果咩Mood都冇哂！所以唔使再執著於JJ大小啦！

冇情感

冇錯，做男人由細到大接受嘅教導係「男人唔可以喊、唔可以軟弱」，久而久知男人就會將自己各種(人類應有嘅)情緒隱藏，只餘「開心」同「憤怒」。你可能覺得咁樣先係「可靠」，但對於重視情感交流嘅女士們黎講其實一啲都唔吸引。其實作為一個正常人，有喜怒衰樂、煩惱疑惑係好正常嘅事，而你亦應相信你嘅伴侶會同你一齊面對，而唔係要求你一個頂哂，谷埋谷埋會爆架。

醉心工作

好多女人話鍾意男人「上進」，而男人為咗「上進」就覺得自己要醉心工作，日以繼夜、夜以繼日咁做就最啱。但你試諗下，你上進係想同女朋友一齊，但又因為你上進所以冇時間同女朋友一齊，係咪本末倒置？外國網友就指男人搵到自己熱愛嘅工作當然吸引，但你太忙嘅同時亦係犧牲咗同另一半相處嘅時光，所以Work Life Balance先係最好架。

via GIPHY

有錢

呵呵呵，呢個真係有排拗。係，以「優生學」嘅角度，喺現代生活中「有錢=安全=更佳繁殖對象」似乎係女生擇偶時常見嘅思考過程，但又唔代大部份女仔都只係睇錢(如果唔係大部份男仔都食緊自己啦係咪)。外國網友指無論男人嘅工作係打理自己嘅生意，定係建立一個協助流浪狗嘅庇護中心，只要男士對工作有熱情，女士們就會覺得佢吸引。而最唔吸引嘅係咩？就係「一日到黑坐喺到呻女人淨係鍾意有錢人」。