{ SKIP }
文:MenClub 魏文青  
POSTED ON 02 Sep 2018
早排喺網上討論區有個post,問係咪每個男人一做完愛就想一腳伸條女落床再瞓覺。「伸條女落床」嗰Part我不願置評,但似乎的確有好多男人喺完事嘅嗰一刻就想咩唔理大覺瞓。但其實做人1最緊要有始有終,做愛都一樣,所以係唔應該做完就算,仲有好多善後功夫需要處理架!

1. 慎重地處理Condom

重點在於「慎重地」三隻字,即係你用完一掹掉落地搞到「子孫成河」咁就好明顯唔係「慎重」。首先,如果你有睇過下盒Condom入面嘅說明書,你就會知用完嘅Condom係要打結先好掉,咁就能夠防止啲子孫外流,唔衛生之餘亦增加「搞出人命」嘅風險。綁好之後最好都用啲紙巾好好地包實佢先掉落垃垃圾筒,原因之一係我諗你都唔想未來三日每次掉垃圾都再見到自己啲變黃咗嘅子孫,第二係唔好唔記得Condom除咗你嘅體液,都有女伴嘅體液。

2. 飲啖水

做完劇烈運動,消耗大量體液,頸渴想飲返啖水係好自然嘅身理反應。而除咗解渴,飲啖水仲可以洗淨係口裏殘留嘅…任何嘢——當然吞唔吞落肚就悉隨專便。但更重要嘅係記住斟多杯畀你嘅伴侶,絕對係體貼嘅表現。

3. 請準備毛巾

毛巾除咗用黎清潔抹身,更重要係用黎遮蓋每次做愛都會喺床上出現嘅「水印」,除咗減少尷尬,亦都可以令佢快啲乾,畢竟你都係想一陣有覺好瞓架嘛係咪?

4. 搞掂小個便

如果你認為以上嘅行為都係「裝模作樣」唔值得你離開張床,咁「小個便」就對你有實際嘅好處。唔理你打理得自己有幾乾淨,親蜜期間你同伴侶嘅性器宮都會接觸到好多細菌,某啲女性就好容易因為咁而患上尿道炎,而屙個尿就能夠幫助身體排出細菌,簡單地達到清潔作用。不過男士們亦要注意,因為做完愛後陰莖海綿體仍會保持短時間充血,相關肌肉亦未放鬆,導致排尿困難,夾硬黎嘅話反而有可能導致前列腺炎,所以男士最好等放鬆哂先去廁所啦。

5. 賽後檢討

你踢完波都會諗下自己表現如何,更何況係做完愛?完事後同伴侶討論床上事宜有幾個好處,第一係氣氛適合,第二係記憶猶新。討論嘅話題主要都係檢討一下剛剛嘅過程中有咩你哋係滿意嘅,有咩你哋覺得雖然改善(次序很重要),以便下次再戰時表現更好。再順手提一提大家,大部份女性喺呢方面嘅面皮都比較薄,討論時語氣要溫柔,用字要婉轉,唔係可能會有反效果架。

6. 做完愛…擁抱

男人之所以咁易瞓著,準確啲黎講係因為太早進入呢個步驟——做完激烈運動身心俱疲你就瞓低,係人都眼瞓啦!不過其實呢個步驟喺「賽後」黎講都真係非常重要,重要在於能夠表達你對對方嘅愛意,而唔係當人家係洩慾工具,對於建立感情係好有幫助。

7. 或者做完愛…回家

OK,喺某啲時候,你的確唔想同啱啱大戰一場嘅呢位女士建立啲咩長遠關係,咁此地就的確不宜久留。但唔久留,唔代表完全唔留得,作為一個風流而不下流嘅男人,千祈唔好做完就雞咁腳就走,留返個好印象,咁就唔會比人「o趙完唱」啦!

Men's Health

台灣有一名恐怖人妻,因為想喝珍珠奶茶,但老公不買給她,竟然把自己反鎖洗手間內,要生要死,最後勞師動眾,驚動警察上門調停……
thezone
珍奶人妻
23 Sep 2018
若果你嘅愛情有呢啲癥狀,記住九叔嘅說話。
girls
好心一早放開佢 有毒愛情的八大特徵
23 Sep 2018