天氣凍嘅時候，時不時都想啪一Shot Vodka暖暖胃，喺寒冷地區生活嘅民族 (例如香港人)，如果缺少咗烈酒，生活都唔知應該點過。有啲酒友問我邊隻Vodka最好啪，我會毫不猶豫答來自西伯利亞，極寒之地嘅俄羅斯Beluga Vodka。Beluga雖然現時總部喺奧地利，但其蒸餾廠Mariinsky Distillery則設立於西伯利亞，並使用西伯利亞床岩內300米深的自來水井，純淨至極。

無論你飲Absolute、Ketel One、Grey Goose定係雪豹、Smirnoff，每隻伏特加都係追求極致嘅純淨感 (Purity)，所以大家都會鬥過濾次數、水源、酒廠環境等等，務求酒液有最透徹無暇嘅質地；而永恆冰封嘅極寒之地 — 西伯利亞，無疑係釀製Vodka嘅理想地方。Beluga伏特加嘅配方之中，有60%都係水，而佢地嘅Mariinsky Distillery就取用西伯利亞山泉的潔淨而清純 「自流水」 (Siberian artesian wells )，所以你會見到酒身標誌有條鱘龍 (Sturgeon)，一種只能生於喺清徹水源嘅魚類。

Beluga除咗用大麥蒸餾酒之外，仲經過5次過濾，先做到一種頂級嘅純淨感同好順滑嘅酒體出嚟。嘆呢啲靚Vodka，實在無比Slightly Chilled完，跟住一Shot啪入口更好嘅飲法；當伏特加經過喉嚨，你會感受到一種絲絨般柔滑嘅感覺，然後不覺意一下吞咗落肚，呢個時候，溫香、暖意先慢慢湧返上嚟，成個身即時暖哂，咁先係享受！

差啲唔記得講，為慶祝Mariinsky Distillery嘅百幾周年，佢地特別出咗隻金身Beluga Celebration，而普通版嘅Beluga其實都有分幾條Line，如果想擁有極致享受，呢度建議大家揀隻Gold Line，不妨去酒吧試一Shot返嚟，你就知道我所言非虛。(呢期天氣咁凍，即刻去啪返一打半打先)