唔知點解近排日本寫真界不約而同地出現多個「無名」新人——唔係話佢哋「無名氣」，而係佢哋真係「無名字」。好似之前介紹過嘅「美風そら」出道時連名都無，係靠Fans投稿決定藝名；而今晚要介紹嘅呢位就更加有趣，佢個藝名就係「名前はまだない。」，即係「目前沒有名字」。問你服未！

個名叫做「目前沒有名字」算唔算真係「沒有名字」呢啲邏輯問題我就唔喺到同大家討論。但可以肯定嘅係「名前はまだない。」依家絕對唔係藉藉無名。目前仲讀緊大學、網上資料話今年20歲嘅佢本身就已經係一位頗有名氣嘅Cosplayer，其TikTok影片總並有超過一億次觀看。去年11月時獲《FRIDAY》邀請拍攝寫真處女作之後，更係憑住療癒風清純可愛美貌以及不俗嘅身材曲線虜獲更多Fans歡心，成為目前最炙手可熱嘅寫真新人。

人氣上漲自然為佢帶來實際好處。早前佢參加Cosplay攝影活動時，就表示今年推出嘅個人寫真月曆，銷量比起舊年要高5倍！同時佢亦承諾未來會繼續參與Cosplay活動，並希望未來有機會可以成為公式Cosplayer或者成為演員。相信黎緊都會拍更多靚相畀大家睇啦！

IG：_nekoneko003