正如好多香港女仔唔需要進入主流媒體、單靠IG就可以有數以萬計Fans，日本當然亦有類似嘅網紅。好似今晚要介紹嘅呢位「早乙女かな」咁，佢既唔係啲咩寫真女星、亦冇接受過媒體訪問，甚至連自己嘅維基百科專頁都冇，但呢啲都唔妨礙佢於社交媒體瘋狂吸Like。近日更憑一露出一個身體部位，而獲得250萬次觀看！

圖片：截圖自 早乙女かな【Kana】

年齡不詳、自稱於東京讀緊大學嘅「早乙女かな」，係今年2月先首次進入大眾目光。當時嘅佢於個人YouTube上傳一條「脫衣秀」影片，只見佢用一條毛巾遮蓋身體，再於鏡頭前將貼身衣物除下。簡簡單單分令鐘嘅片，最終吸引到超過400萬次觀看，除咗令佢一炮而紅，亦奠下佢日後走「大尺度」嘅路線。例如YouTube上嘅片大部份都繼續同「脫衣」有關，最新一條片更大談自己嘅「第一次」發生於高中、最鍾意嘅姿勢係「面對愛人」等。

而於X（Twitter）上佢亦貫徹人設，性感自拍就不再話下，更有意識非常大膽嘅短片。例如近日佢就因為收到好多Fans話想睇佢腳板底，所以上傳咗一條5秒嘅「Show腳」片，結果吸引到超過250萬次觀看。連佢自己都話，估唔到腳板底都可以係流量密碼。

不過佢嘅大尺度作風就唔係個個都鐘意。例如早前佢拍完另一條脫衣短片後，表示會將脫下嘅貼物衣物送畀Fans，點知有人私訊鬧佢「送著過嘅衫好污糟」、指責佢破壞日本形象，搞到佢發文表示自己想喊。好在有大量Fans留言支持，而佢最終亦真係將衣物送畀幸運兒。

唔知各位又點睇「早乙女かな」嘅作風呢？

X（Twitter）：KanaSaotome_