非叮噹法寶日本「維持記憶力香口膠」

文：MenClub Mean娜　　圖：互聯網
POSTED ON 22 Sep 2017

雖然「叮噹」而家有名你叫做「多啦A夢」，不過依照MenClub讀者嘅喜好，應該都係鍾意叫返做「叮噹」多啲架喇～Anyway，「維持記憶力香口膠」呢個名聽落係就係十足叮噹嘅法寶咁（記憶麵包啲Friend？），不過佢笨唔係虛構嘅法寶，而係日本樂天實實在在推出嘅新產品，喂！可以令你記憶力變好，咁神奇，梗係多人討論，結果就喺日本網上引起熱話。

查實呢個「維持記憶力香口膠」係咩來頭呢？聽聞呢款香口膠係添加咗19.2mg嘅「銀杏葉黃酮配糖體」以及4.8mg嘅「銀杏葉萜內酯」，經醫學證明，可以有效維持並增進對數字、圖形及文字嘅記憶力，本來就諗住For長者食用，所以設計成唔黐假牙嘅口感，點知意外地受一班年輕人歡迎，唔少後生仔都表示，如果可以幫到佢哋，令學習更Easy就好。

至於味道如何？不同於一般香口膠多數係薄荷味，呢隻「維持記憶力香口膠」聞落甜甜地，咬落就有陣草藥味，雖然唔清楚係咪真係幫到提升記憶力，但對於冇記性嘅人而言，食下都冇妨嘅～（唔記得食就另計啦……）