{ SKIP }
文:MenClub Mean娜  圖:互聯網
POSTED ON 27 Oct 2017
唔好因為係男性平台就下下都要踩低女性,一竹篙打一船人,要be a better man,首先要客觀中立去分析兩性關係。雖則篇文Topic係話女性認為「男人太溫柔都是缺點」,但老老竇竇,有啲男人都會唔鍾意自己條女太溫柔太聽教聽話,覺得對方咩都要睇自己面色做人,冇主見、冇智慧、冇魅力、冇激情……如果同個男人講,女人太溫柔有咩唔好,相信總有人明白,但調返轉,男人太溫柔有咩唔好?作為男士,自己又知唔知個point喺邊先?

雖然好多女人口口聲聲話希望另一半「溫柔體貼」,但當你真係做到「好溫柔好體貼」時,啲女人又未必buy,究竟係女人太「口是心非」定抑或「男人不壞女人不愛」才是真理呢?日本就有調查指出,點解太溫柔都是罪過︰

其實溫柔唔係唔好,但大部分溫柔嘅男士都會有類似嘅特性,比如個人比較悶、比較木訥,同佢一齊過於安心平淡,少咗份戀愛嘅激情,冇咗一種會令人心兒卜卜跳嘅緊張刺激。

另外大部分溫柔男士因為慣性太遷就別人,所以自己好少表達意見,咩都會以他人為先,比如食飯去邊?就會話︰「你諗下想食咩?」、「你決定丫,我都可以」,就算條女呢頭話想食西餐,轉頭又想食日本嘢,溫柔男都唔會介意,笑笑口咁話︰「無所謂呀,你話事得喇。」係就係好就得人,但可惜太冇主見,女仔係好難會buy……

話說結衣BB做主角嘅《逃避雖可恥但有用》一劇中,男主角平匡都係一個非常溫柔嘅男士,而好多女性都認為,太溫柔嘅男士同時會非常被動,就好似劇集中,溫柔嘅平匡每每想主動出擊時,都率先顧慮女主角實栗嘅感受,搞到次次都要實栗自己主動返轉頭,帶動個男人。除非個女仔天生母愛爆棚,如果唔係應該好難接受咁被動嘅男人。

再引用返套劇,溫柔嘅男主角成日默默思考好多事情,想為女主角做到萬事周到,但呢一切佢都只會喺腦入面盤算,唔會講出口,令實栗成日唔知對方諗咩,唔知對方想點,繼而產生好多不安情緒同相處間引起誤會。

話就話太溫柔都可能變成缺點,但假如呢個特點係你嘅本性,千祈唔好放棄,溫柔都有溫柔嘅魅力,總會有識得欣賞你嘅人出現。

日本繪師しゃぽこ咁~しゃぽこ最近就忽發奇想,發明咗幾個巨乳表現方式嘅名詞,順便問問大家鍾意邊種,你又點揀呢?
gags
日本新名詞︰「乳袋」、「乳帳」和「乳簾」
22 Nov 2017
按摩期間乜真係會有人想傾偈咩?!
gags
日本超詭異打工 按摩床下陪吹水
21 Nov 2017