{ SKIP }
文:MenClub Mean娜  圖:互聯網
POSTED ON 15 Nov 2017
古乳有暈︰「人帥真好,人醜性騷擾」,兩者真係有天壤之別嘅待遇,究竟喺女女心目中,靚仔喺咩情況下真係大晒,同醜男有截然不同嘅壓倒性勝利呢?日本網站就做過研究,請女女選中「只要係靚仔就冇問題」嘅幾種情況︰

如果普通人著好皺嘅衫,就會畀人一種唔整潔嘅印象;但如果係靚仔,一樣覺得咁有型,仲可能因為件衫夠皺夠舊,多咗種vintage味道更吸引。


普通人喺巴士地鐵上,如果唔小心同女性有身體接觸,好可能被當成色狼,畀人以為想佔女女便宜;但只要係靚仔,掂下完全冇問題,分分鐘條女覺得自己有著數添。


邊個話男女朋友先可以錫錫,只要你係靚仔,就算未開始拍拖都可以周圍錫人唔畀人告!


有時睇戲見到啲肉麻台詞,心諗講出嚟條女一定受,點知到你真係講出口,條女竟然Dead air唔出聲……但換著係個靚仔講,佢就可以即時投入返喺部戲入面,覺得好冧豬,呢個完全係顏值問題而唔係句台詞問題。


自以為是嘅人點都係難頂啲,但一個醜嘅人得得戚戚咁,就會相當乞人憎;而一個靚仔表現自傲,反而令人信服,認為佢值得咁驕傲。


通常女性對靚仔都比較包容,如果一個普通人蠢,佢哋可能會厭棄;但如果一個靚仔冇腦,佢哋就覺得︰生得靚就夠,就算有啲蠢都幾可愛丫!



雖然係好唔公平,但無奈大家都要接受,世界係有雙重標準。

不過……佢嘅現鈔都係日圓,我諗對港男嚟講其實又唔多啱用……
gags
又一妄想作品 貴氣十足的「現鈔T裇」
17 Jul 2018
今次官方再度公開真人版嘅演員名單,原來仲有山崎退!
gags
《銀魂2》真人版演員再公開!存在感超薄弱的山崎退!
12 Jul 2018