{ SKIP }
文:MenClub Mean娜  圖:互聯網
POSTED ON 17 Nov 2017
好多男士都凝住想媾女女一定要係高富帥先容易得手,冇錯,高富帥確係好加分,但其實唔係條條女都咁現實,就算你只係一個普通人,如果夠貼心,對女女嚟講一樣大加分!日本就有網站請140位女士進行調查,選出佢哋喜歡並且覺得好吸引人嘅貼心小動作究竟係咩,雖然呢個調查係日本嘅,但相信對香港男士一樣有用!


貼心小動作1︰
趁女女行開時去畀錢埋單,咁就唔使等,又唔使兩個人面臨埋單時你眼望我眼,唔知邊個埋單好。

貼心小動作2︰
幫女女落單Order食物,如果一個男性好細心觀察女女喜好,知道女女鍾意食咩、有咩唔食等等,對女女嚟講,係幾心動嘅事。


貼心小動作3︰
注意到女女唔好意思講出口嘅事,比如見對方著高踭鞋行路辛苦時,主動提出坐低飲杯嘢等等,減少行路機會。


貼心小動作4︰
幫女女拎嘢、拉凳、開門等等Gentlemen嘅小動作,好多女女都好Buy。


貼心小動作5︰
注意到女女身上有咩變化,例如係髮色、髮型、指甲、穿著等等有咩唔同,由於好多男士都好少睇得出女女有咩改變,如果你睇得出,女女會覺得你好留意佢,對你大加分!


貼心小動作6︰
耐心聆聽對方講嘢,因為好多男士都冇耐性聽人講嘢,但其實女女係非常需要一個好嘅聆聽者,如果你可以做到一個好嘅聆聽者,適當給予鼓勵同安慰,女仔一定Buy!


不過……佢嘅現鈔都係日圓,我諗對港男嚟講其實又唔多啱用……
gags
又一妄想作品 貴氣十足的「現鈔T裇」
17 Jul 2018
今次官方再度公開真人版嘅演員名單,原來仲有山崎退!
gags
《銀魂2》真人版演員再公開!存在感超薄弱的山崎退!
12 Jul 2018