{ SKIP }
文:MenClub 魏文青  
POSTED ON 19 May 2018
即係咁,如果你係一名阿根廷藉足球員,於球會辛苦努力咗一季,終於得到國家隊垂青要帶你去俄羅斯參加世界杯,你興奮之餘或者都有啲擔心:死啦,去到俄羅斯點識女仔好呢?咩話?你話你冇咁諗?但睇黎阿根庭足總有咁諗。事關佢哋日前為將會前往俄羅斯參加世界杯嘅職球員以及記者舉行咗個講座,教授簡單俄文及當地文化,點知當中有兩大頁紙係教佢哋點識俄妹!真係實在太貼心啦!
根據當地記者Nacho Catullo上載嘅照片,再加上Deadspin嘅翻譯,呢兩頁名為「如何認識俄羅斯女孩」,入面講解咗8大項認識俄羅斯女仔時應該要注意嘅要點,由外形(乾淨、氣味好、懂穿衣)、可以談論嘅話題(你的國家、生活)、對女生嘅態度(正面、真誠、有趣)以及要避免嘅事(物化女性、炫耀、只顧住上床)等等都有涵蓋,當中更唔止一次提醒男士唔好以為俄羅斯女仔只係貪錢,睇黎都真係好擔心大家喺當地玩得開唔開心。最後仲好正面咁話「俄羅斯有很多美女,而不是每一個都適合你的,慢慢選擇」,唔提都真係唔記得佢哋係去踢波架。

我哋唔知美斯會唔會跟住呢本「指南」去識俄妹,但阿根廷足總嘅呢份心意相信大家都好清楚。而作為一個「球」迷,就唯有阿根廷無論喺場上定床上都有好表現啦。
Hollywood Reporter獨家報導,《花木蘭》真人版嘅男主角決定由紐西蘭華裔演員Yoson An演出!
gags
迪士尼《花木蘭》真人版劉亦菲戀人出爐 紐西蘭華裔演員Yoson An ...
15 Jun 2018
估唔到而家連虛擬偶像Youtuber都可以出埋寫真集,畀著係你又有冇興趣買先?
gags
日本虛擬偶像Youtuber「絆愛」都出寫真?!
14 Jun 2018