「點解小明跑得快過火車」呢啲十年前都已經Out咗嘅無聊IQ題當然難唔到大家，事實上亦都有人試過跑贏地鐵。咁我又再問，點解有人可以「揸單車」快過你揸法拉利？

好簡單，因為架單車真係好快囉！

法國人François Gissy將一個可以產生4.5kN推力(大約560匹馬力)的火箭推進器砌落一部單車到，上年十一月就已經創出極速285km/h的紀錄，今次只係用咗4秒就由0km/h 加速到333km/h，輕輕鬆鬆鄧梓豐咁就放甩咗部法拉利430 Scuderia。下次仲話要挑戰400km/h喎！

所謂藝高人膽大，Gissy的保護裝備就只有一套防火衣加個頭盔仔，但係有邊個夠膽睇小單車！以後邊個夠膽話三十歲之後都仲要依賴交通工具好可憐？邊個？出黎鍊返轉！出黎！